អ៊ីរ៉ង់អាចបង្កើនទិន្នផលប្រេងប្រចាំថៃ្ង ១ លានធុង
ក្រុងតេអេរ៉ង់ៈ ប្រទេសអ៊ីរ៉ង់ បានឲ្យដឹងថា ប្រទេសរបស់ខ្លួនអាចបង្កើនទិន្នផលប្រេងប្រចាំថ្ងៃចំនួន ១ លានធុងទៀតក្នុងរយៈពេលដ៏ខ្លីខាងមុខនេះ បន្ទាប់ពីមានកិច្ចព្រមព្រៀងមួយបានលុបចោលទណ្ឌកម្មមួយចំនួន ដែលការបង្កើនទិន្នផលនេះនឹងទាមទារតំណែងជាប្រទេសផ្គត់ផ្គង់ប្រេងធំជាងគេទីពីររបស់អង្គការ OPEC មកវិញ។
ខណៈទណ្ឌកម្មមួយចំនួននឹងត្រូវកាត់បន្ថយបន្តិចម្តងៗនោះ ក្រុមអ្នកអង្កេតឧស្សាហកម្មភាគច្រើនបានយល់ស្របថា សមត្ថភាពបង្កើនទិន្នផលប្រេងរបស់ប្រទេសអ៊ីរ៉ង់ នឹងត្រូវចំណាយពេលប្រមាណ ៥ឆ្នាំ និងថវិកាប្រមាណ ១០ ពាន់លានដុល្លារលើការវិនិយោគ។ នេះបើយោងតាមប្រធានក្រុមហ៊ុនក្នុងឧស្សាហកម្មប្រេងដែលបានបម្រើការនៅក្នុងប្រទេសមួយនេះ។
លោក Mohsen Shoar អ្នកវិភាគប្រចាំក្រុមហ៊ុន Continental Energy DMCC នៅប្រទេសឌូបៃ ដែលបានជួយក្រុមហ៊ុន ConocoPhillips ចរចាកិច្ចសន្យាប្រេងនៅប្រទេសអ៊ីរ៉ង់នៅទសវត្សរ៍ឆ្នាំ ១៩៩០បានថ្លែងថា៖«កត្តាចាំបាច់ទីមួយគឺការវិនិយោគ»។
លោកបានឲ្យដឹងតាមទូរស័ព្ទថា៖«ដើម្បីទទួលបានទិន្នផលប្រេងខ្ពស់ជាង ៤ រយលានក្នុងមួយថ្ងៃ នឹងត្រូវការជំនួយបរទេស»
Comments
Post a Comment